ABŞ Prezidenti Donald Tramp onlarla dəbdəbəli obyekt və biznes layihələrindən, eləcə də öz adını daşıyan gitara, İncil və saatların satışından milyonlarla dollar gəlir əldə edir.
Oxu.Az xəbər verir ki, bu 234 səhifədən ibarət olan maliyyə deklarasiyasında qeyd olunub.
Sənədlərdə bildirilir ki, Tramp 2024-cü ildə "World Liberty Financial" adlı kriptolayihədən 57 milyon dollardan çox gəlir əldə edib. Layihədə rəhbər vəzifələri onun oğulları Erik Tramp və kiçik Donald Tramp icra edirlər. Bu gəlir, deklarasiyada qeyd olunan ən iri mənbələrdən biridir.
Bundan başqa, ABŞ prezidenti "Save America" ("Amerikanı xilas et") adlı kitabının satışından 3 milyon dollar, idman ayaqqabısı və ətirdən 2.5 milyon dollar, saatlardan 2.8 milyon dollar, İncil nüsxələrindən 1.3 milyon dollar və gitara satışından 1.05 milyon dollar qazanc əldə edib.
