"Ford"un rəhbəri hansı Çin avtomobilində gəzir?

"Ford" şirkətinin rəhbəri 6 aydır hansı Çin avtomobilini idarə etdiyini açıqlayıb.

Oxu.Az xəbər verir ki, baş direktor Cim Farli teleaparıcı Robert Llevelinlə söhbətində bildirib ki, o, xüsusi olaraq ən yeni "Xiaomi SU7"ni ABŞ-yə gətirib.

"Ford" rəhbəri altı aydır ki, hər gün Çin istehsalı elektrik avtomobili sürdüyünü və ondan əl çəkmək istəmədiyini vurğulayıb.

C.Farli "Xiaomi" satışlarını fantastik adlandırıb, çünki gənc brend hər ay 20 min elektrik avtomobili satır.