Fransanın Baş naziri Fransua Bayru təhsil naziri olduğu dövrdə Notr-Dam-de-Bettaram katolik məktəbində şagirdlərə qarşı seksual zorakılığın ört-basdır edilməsi işi üzrə dindiriləcək.
Bu barədə Oxu.Az BFMTV telekanalına istinadən xəbər verir.
Dindirmə mayın 14-də baş tutacaq. Ümumilikdə, zərər çəkmiş keçmiş tələbələr tərəfindən 200-dən çox şikayət daxil olub.
Onlar 14 keşiş tərəfindən fiziki və ya seksual zorakılığa məruz qaldıqlarını bildirirlər.
F.Bayru məktəbdə baş vermiş zorakılıq aktlarından xəbərdar olmaqda ittiham olunur.
