Fransa DİN: "Məhəmməd Peyğəmbərə qarşı təhqiramiz karikaturalar ölkədə yayımlana bilər"

Fransa Daxili İşlər naziri Gerald Darmanin Məhəmməd Peyğəmbərə qarşı təhqiramiz məzmunlu karikaturaların ölkədə yayımlana biləcəyini, məktəblərdəki siniflərdə göstərilə biləcəyini və bazarlarda halal qida məhsulları üçün xüsusi bölmələrdən narahat olduğunu deyib.

Bu barədə o, BFMTV kanalına danışıb.

Onun sözlərinə görə, bazarlarda halal qida məhsulları üçün xüsusi bölmələrin olmasından təəccüblənib:

"Bazarlarda yalnız halal qida məhsulları olan bir hissə olmamalıdır. Kommunitarizm belə başlayır. Bunun üçün kapitalizm də məsuliyyət daşıyır".

Fransalı nazir bildirib ki, Məhəmmədi təhqir edən cizgi filmləri nəşr oluna və məktəb dərslərində göstərilə bilər.

O qeyd edib ki, sosial media terrorizm və radikallaşmada əhəmiyyətli bir rol oynayır. Son üç ildə məscidlər də daxil olmaqla, 358 yer bağlanıb və 428 əcnəbi deportasiya edilib.