Şahmat üzrə keçmiş dünya çempionu Harri Kasparova xarici agentin öhdəliklərinin yerinə yetirilməməsinə dair iki epizod üzrə qiyabi ittiham irəli sürülüb.
Oxu.Az Gazeta.ru-ya istinadən xəbər verir ki, bu, məhkəmə materiallarından irəli gəlir.
Sənədlərə əsasən, söhbət Rusiya Federasiyası Cinayət Məcəlləsinin 330.1-ci maddəsinin ikinci hissəsindən gedir. Bu maddədə iki ilədək azadlıqdan məhrumetmə nəzərdə tutulur. Sözügedən maddə üzrə cinayət işi 205.2-ci maddənin ikinci hissəsi - terrorizmə açıq surətdə çağırış, bəraət qazandırma və ya təbliğ etmə üzrə işlər bir icraata birləşdirilib.
Bu maddə üzrə maksimum cəza olaraq yeddi ilədək azadlıqdan məhrumetmə nəzərdə tutulur.
2025-ci ilin dekabrında Kasparov terrorizmə açıq çağırışlar ittihamı ilə qiyabi həbs olunub. Moskva şəhər məhkəməsi qərarı qanuni hesab edib və apellyasiya şikayətini rədd edib.
Rusiya Ədliyyə Nazirliyi siyasətə qoşulan Kasparovu 2023-cü ilin mayında xarici agentlər reyestrinə daxil edib. 2024-cü ilin martında məşhur şahmatçının adı Rusiya Maliyyə Monitorinqi Xidmətinin terrorçu və ekstremistlər siyahısında əksini tapıb.
