Hindistanın mərkəzindəki Madhya-Pradeş ştatında güclü yağışlardan sonra evin divarının uçması nəticəsində 10-14 yaş arası doqquz uşaq və yeniyetmə ölüb.
Oxu.az "Times of İndia"ya istinadən xəbər verir ki, insident zamanı dörd azyaşlı müxtəlif xəsarətlər alıb.
Məlumata görə, hadisə dini tədbir zamanı baş verib. Uşaqlar dağılmış evin yaxınlığında quraşdırılmış çadırda olublar. Divarın çökməsi nəticəsində iki uşaq hadisə yerində, daha yeddi nəfər isə xəstəxanaya aparılarkən və ya tibb müəssisəsində ölüb.
Yaralılar xəstəxanaya çatdırılıblar. Onların həyatı üçün təhlükə yoxdur.
Rəylər