"Vaşinqton Tehranın daha əvvəl irəli sürdüyü yeddi şərti qəbul etməyənədək İran ABŞ ilə danışıqları bərpa etmək və Hörmüz boğazını açmaq niyyətində deyil".
Oxu.Az IRIB telekanalına istinadən xəbər verir ki, bunu İslam Respublikasının Ali Milli Təhlükəsizlik Şurasının katibi Möhsün Rzai bəyan edib.
"Biz artıq keçmişə, İslamabad memorandumu ilə bağlı vəziyyətə və ya böhrandan əvvəlki mərhələyə qayıtmayacağıq. Əgər Birləşmiş Ştatlar İran tərəfindən irəli sürülən yeddi şərti yerinə yetirməzsə, nə Hörmüz boğazı açılacaq, nə də danışıqlar başlayacaq", - deyə o, İran dövlət televiziyasının efirində bildirib.
Rzainin sözlərinə görə, İran danışıqlar aparmağa tələsmir, çünki ABŞ ilk növbədə "İran xalqının etimadını qazanmalıdır". O həmçinin vurğulayıb ki, hazırkı yeddi şərt əvvəlkilərdən köklü şəkildə fərqlənir.
