İranla münaqişə dövründə həyatını itirən ABŞ hərbçilərinin yeni siyahısı açıqlanıb.
Oxu.Az xəbər verir ki, bu barədə Pentaqonun xüsusi portalında yenilənmiş statistika yerləşdirilib.
Qeyd edilib ki, ümumilikdə ölənlərin sayı 19 nəfərdir. 14 nəfər "Epik qəzəb" əməliyyatı çərçivəsindəki döyüş əməliyyatlarında həlak olub. Sonuncu da daxil olmaqla, digər beş ölüm halı isə "xarici əməliyyatlar" bölməsində göstərilib.
May ayının əvvəlində ABŞ Dövlət Departamenti "Epik qəzəb" əməliyyatının başa çatdığını elan etmişdi. Zərbələrin davam etməsinə baxmayaraq, əməliyyat rəsmi olaraq yenidən bərpa olunmayıb.
Bundan əlavə, ABŞ Müdafiə Nazirliyinin məlumatına əsasən, İranla toqquşmalar zamanı 820 ABŞ hərbçisi müxtəlif dərəcəli bədən xəsarətləri alıb.
Bildirilir ki, həyatını itirən sonuncu hərbçi quru qoşunlarının qadın zabiti olub. Onun Yaxın Şərqə uçuş zamanı səhhətinin pisləşdiyi bildirilir. Ölümün dəqiq səbəbləri isə açıqlanmayıb.
