İtaliyanın Modena şəhərində avtomobili insanların üzərinə sürərək azı 10 nəfərin xəsarət almasına səbəb olan şəxsin İtaliyada doğulmuş mərakeşəsilli kişi olduğu müəyyən edilib.
Oxu.Az xəbər verir ki, bu barədə İtaliya baş nazirinin müavini, nəqliyyat və infrastruktur naziri Matteo Salvini "X" sosial şəbəkəsində paylaşım edib.
"İkinci nəsil miqrant" olan şəxsin adının Səlim əl-Kudri olduğu bildirilib.
Şahidlərin sözlərinə görə, sürücü hadisə zamanı təhqir və təqiblərə məruz qaldığını qışqırıb.
"Corriere della Sera"nın məlumatına görə, həmin şəxs 1995-ci ildə İtaliyanın şimalında doğulub və iqtisadçı diplomuna malikdir. Saxlanılarkən onun üzərindən bıçaq tapılıb.
İtaliya hökuməti hadisəni hələlik terror aktı kimi qiymətləndirmir. Baş nazir Corcia Meloni isə istintaqı şəxsən izlədiyini açıqlayıb.
İtaliyanın şimalında yerləşən Modena şəhərində avtomobiln insanların üzərinə sürüüb, nəticədə azı 10 nəfər xəsarət alıb.
Oxu.Az xəbər verir ki, bu barədə "Il Giornale" məlumat yayıb.
Yaralananlardan dördünün vəziyyətinin ağır olduğu bildirilir. Qadınlardan biri avtomobilin onu vitrinə sıxması nəticəsində hər iki ayağını itirib.
Məlumata görə, avtomobili idarə edən 31 yaşlı kişi saxlanılarkən hadisə yerindən qaçmağa çalışıb. Bildirilir ki, o, yolunu kəsməyə çalışan şəxslərdən birinə bıçaqla xəsarət yetirib.
Şahidlərin sözlərinə görə, hadisəni törədən şəxs özü də xəsarət alıb. Buna baxmayaraq, polis onu qısa müddətdə saxlaya bilib.
