İtaliyada Sorrento şəhərinin meri rüşvət alarkən saxlanılıb.
Oxu.Az xəbər verir ki, bu barədə "RİA Novosti" İtaliya Maliyyə Qvardiyasına istinadən məlumat yayıb.
Məlumata görə, Sorrento şəhərinin meri Massimo Koppola və onun köməkçisi Françesqo Di Mayo 6 000 avro (təxminən 11 550 manat) məbləğində rüşvət alarkən saxlanılıblar.
Hüquq-mühafizə orqanlarının əməkdaşları müəyyən edib ki, həmin məbləğ əslində daha böyük rüşvətin bir hissəsi olub. Belə ki, ümumi məbləğ 120 000 avro (təxminən 231 200 manat) təşkil edib. İstintaq zamanı məlum olub ki, pulu verən şəxs bundan əvvəl də tenderdə qalib gəlmək üçün Koppolaya 50 000 avro (təxminən 96 300 manat) rüşvət verib.
Merin evində aparılan axtarış zamanı isə əlavə olaraq 34 000 avrodan (təxminən 65 500 manat) çox nağd pul müsadirə olunub.
