İranın Ali Lideri Əli Xameneinin ailəsinin dörd üzvünün, o cümlədən qızının, kürəkəninin və nəvəsinin həlak olması təsdiqlənib.
Oxu.Az xəbər verir ki, bu barədə "Fars" agentliyi məlumat yayıb.
Daha əvvəl Əli Xameneinin kürəkəni və gəlininin İslam Respublikasının paytaxtına endirilən raket hücumları zamanı həlak olduqları bildirilmişdi. Bundan əlavə, Xameneinin özünün də ölümü ilə bağlı məlumatlar yayılmaqdadır.
"İranın ali rəhbəri Əli Xameneinin gəlini və kürəkəni Tehrana raket hücumları zamanı həlak olub".
Oxu.Az Al "Hadath" telekanalına istinadən xəbər verir ki, bu barədə Tehran meriyasının nümayəndəsi məlumat verib.
"Xameneinin kürəkəni və gəlini partlayış nəticəsində öldürülüb", - deyə məlumatda qeyd olunub.
Bundan əvvəl yayılan xəbərlərdə isə ali rəhbərin 2025-ci ilin yayında olduğu kimi, hazırda da böhran qərargahında yerləşdiyi və hərbi əməliyyatlara şəxsən rəhbərlik etdiyi bildirilmişdi.
