London SEPAH-ın xüsusi təyinatlılarının komandanına qarşı sanksiyalar tətbiq edib

Böyük Britaniya İslam İnqilabı Keşikçiləri Korpusunun (SEPAH) “Əl-Qüds” xüsusi təyinatlılarının komandanı, briqada generalı İsmayıl Qaanini sanksiyalar siyahısına əlavə edib.

Krallığın Xarici İşlər Nazirliyinin saytında dərc olunan sənədə, həmçinin Fələstinin “Əl-Qüds” qüvvələri və onun komandiri Məhəmməd Seyid İzadinin adları da daxil edilib.

Qərar onların Birləşmiş Krallığın və ya hər hansı digər ölkənin bütövlüyünə, rifahına və ya təhlükəsizliyinə xələl gətirən və ya onu pozan hərəkətlərin planlaşdırılması və ya həyata keçirilməsi ilə bağlı İran hökumətinin düşmənçilik fəaliyyətində iştirakına əsaslanıb.

Mənbə: TASS