Malta akvatoriyasında miqrantların olduğu qayığın batması nəticəsində 11 nəfər ölüb.
Oxu.Az xəbər verir ki, bu barədə Malta Silahlı Qüvvələrinin mətbuat xidməti məlumat yayıb.
"Koordinasiya xilasetmə mərkəzi dərhal yaxınlıqdakı gəmilərə yardım göstərmək üçün göstəriş verib. Ümumilikdə 53 qanunsuz miqrant xilas edilib, 11 həlak olan şəxsin meyiti aşkar olunub", - deyə məlumatda bildirilib.
Məlumata görə, hadisə Malta sahillərindən təxminən 93 km şərqdə baş verib. Xilasetmə əməliyyatında Malta ordusu və İtaliyanın Sahil Mühafizəsi də iştirak edib.
