Ən son xəbərləri bizim "Instagram" səhifəmizdə izləyin
Məşhur avtomobil markalarında ciddi qüsurlar aşkar edilib
"Ford" və "Mazda" ABŞ-də 475 mindən çox köhnə avtomobilinin sahiblərinə müraciət edib.
Oxu.Az xəbər verir ki, bu barədə "Interfaks" məlumat yayıb.
Brendlərin nümayəndələri qüsurlu "Takata" təhlükəsizlik yastıqlarına görə insanları belə avtomobillərdə səyahət etməməyə çağırıblar.
Bu, "Ranger", "Mustang", "Ford GT", "Fusions", "Edge", "Milan", "MKZ" və "Zephyr" modelləri də daxil olmaqla 2004-2014-cü illərdə istehsal edilmiş 374 mindən çox "Ford", "Lincoln" və "Mercury" avtomobillərinə aiddir. Bundan əlavə, xəbərdarlıq "CX-7", "CX-9", "RX-8" və "Speed6" da daxil olmaqla 2003-cü ildən 2015-ci ilə qədər istehsal edilmiş təxminən 83 min "Mazda" avtomobilinə aiddir.
Eyni zamanda, şirkətlər nasaz yastıqların işlək yastıqlarla əvəzlənməsi üçün avtomobilləri servis mərkəzinə çatdırmağa hazır olduqlarını bildiriblər.
Nasaz "Takata" hava yastıqları 100 milyon avtomobildə aşkar edilib. Problem, zaman keçdikcə korpusu çatlayan hava yastığı şişiricisindədir. O partlayanda avtomobilin salonuna çoxlu metal parçaları yayılır ki, bu da sürücü və sərnişinlərin xəsarət alması ilə yanaşı, qəzaya səbəb ola bilər. Genişmiqyaslı geri çağırma kampaniyası Yaponiyanın "Takata" şirkətini iflasa gətirib çıxarıb.
2009-cu ildən bəri dünyada Yaponiyanın "Takata" şirkətinin qüsurlu yastıqlarının səbəb olduğu 30-dan çox ölüm faktı müəyyən edilib.
"Avto-moto" teqi üzrə xəbərlər
- Orijinal olmayan avtomobil şüşələri: Aşağı qiymətin arxasında nə durur?
- "Mercedes-AMG"nin rəhbəri şirkətin müştərilərini itirməsinin səbəbini açıqladı
- Çində transformer avtomobillərin satışına başlanıldı
- Dünyanın ən təhlükəsiz avtomobilləri açıqlandı - SİYAHI
- Yağışda avtomobili idarə etmək: Yolda riskləri necə azaltmalı?
Ən çox oxunanlar
Rəylər