Moskvada polislər izdihamın üzərinə hərəkət edərək bir neçə nəfəri yaralanmasına səbəb olan avtomobili tapıblar. Maşında olan şəxslər saxlanılıb.
Oxu.Az TASS-a istinadən xəbər verir ki, bu barədə Rusiyanın Daxili İşlər Nazirliyinin Moskva Baş İdarəsindən bildirilib.
Moskva Şəhər Prokurorluğunun Mətbuat Xidmətinin məlumatına əsasən, hadisə ilə əlaqədar 2001-ci il təvəllüdlü kişi və 1988-ci il təvəllüdlü qadın saxlanılıblar.
İnsidentin motivləri ilə bağlı araşdırma aparılır.
Rusiyanın paytaxtı Moskvada avtomobil insan izdihamına çırpılıb.
Oxu.Az "Mash" "Telegram" kanalına istinadən xəbər verir ki, hadisə Berejkovskaya sahili yolunda baş verib.
Məlumata görə, azı altı nəfər xəsarət alıb, onlardan ikisi 8 və 10 yaşlı uşaqdır. Zərərçəkənlərdən biri xəstəxanaya yerləşdirilib.
Hadisəni törədən şəxs qəza yerindən qaçıb.
