İsrailin Baş naziri Benyamin Netanyahunun baş müşaviri Yonatan Urix və keçmiş mətbuat katibi Eliezer Feldşteyn həbs olunub.
Oxu.Az xəbər verir ki, Feldşteyn və Urixin "Katargate" istintaqı çərçivəsində həbs edildiyi bildirilir.
Həbs qərarı israilli iş adamı Qil Birgerin Qətərdə işləyən ABŞ vətəndaşından pulu Netanyahunun sözçüsü Feldşteynə ötürməsinin üzə çıxmasından sonra verilib.
Feldşteyn və Urixin "xarici agentlə əlaqə" və "çirkli pulların yuyulması" maddələri ilə ittiham olunduqları bildirilir.
İki həftə əvvəl saxlanılaraq istintaqa cəlb edilən Urix haqqında daha sonra həbs qətimkan tədbiri seçilib. Gizli sənədləri sızdırmaqda ittiham olunan Feldşteyn haqqında isə ev dustaqlığı ilə bağlı qərar qəbul olunub.
