Pakistanın Ali Məhkəməsi İmran Xanı zaminə buraxıb

Pakistanın Ali Məhkəməsi “Dövlət sirləri aktını” pozmaqda ittiham edilərək həbsdə olan keçmiş baş nazir İmran Xanı və keçmiş xarici işlər naziri Şah Mehmud Qureşini zaminə buraxıb.

Bu barədə yerli mediada xəbər yayılıb.

Bildirilir ki, ali məhkəmə instansiyasının qərarı gözlənilməz olub.

Məhkəmənin hökmünə əsasən, onların hərəsi bir milyon Pakistan rupisi dəyərində girov qoyub.

Bundan əvvəl məlum olub ki, Pakistanın keçmiş baş naziri İmran Xan fevralın 8-də ölkədə keçiriləcək parlament seçkilərində namizədliyini irəli sürəcək.