Ən son xəbərləri bizim "X" səhifəmizdə izləyin
Peskov: "Foqelin müqabilində ABŞ-də olan məhbus Rusiyaya qaytarılacaq"
"ABŞ-li Mark Foqelin mübadiləsinə qarşılıq olaraq yaxın günlərdə rusiyalı məhbus öz vətəninə qaytarılacaq".
Oxu.Az-ın verdiyi məlumata görə, bu barədə Rusiya prezidentinin mətbuat katibi Dmitri Peskov brifinqdə bildirib.
Onun sözlərinə görə, Rusiyada məhkum edilmiş amerikalı M.Foqel ABŞ-də həbs olunmuş rusiyalı məhbusun vətənə qaytarılması müqabilində azadlığa buraxılıb.
"Bu, Rusiya və ABŞ arasında uzunmüddətli intensiv əlaqələrin nəticəsidir. Əvvəllər də bildirdiyimiz kimi, son vaxtlar müvafiq qurumların xətti ilə iş intensivləşdirilib, əlaqələr qurulub. Bu əlaqələrin nəticəsi olaraq Foqel, həmçinin hazırda Amerika Birləşmiş Ştatlarında azadlıqdan məhrumedilmə yerlərində saxlanılan Rusiya vətəndaşlarından biri azad olunub", - deyə Kremlin nümayəndəsi bildirib.
Peskov onun Rusiyaya yaxın günlərdə qaytarılacağını əlavə edib.
"Dmitri Peskov" teqi üzrə xəbərlər
- Kremldən Zelenskinin Rusiya ilə ərazi mübadiləsinə dair bəyanatına SƏRT REAKSİYA
- Peskov: "Rusiya Azərbaycan və Ermənistanın danışıqlar prosesindəki müstəqil addımlarını alqışlayır"
- Kreml Qazaxıstanın AZAL təyyarəsi ilə bağlı hesabatını şərh edib
- Peskovun Suriya ilə bağlı məsələdə şərh etməkdən yayındığı məqam
- Putin və Trampın dialoqu barədə Kremldən AÇIQLAMA
Rəylər