Politoloqdan Ukraynanı "Finlandiyaya çevirmək" təklifi: "Son şansdır"

"Kiyev hakimiyyətinin mövqeyinə baxmayaraq, Ukraynanın "finlandiyalaşdırılması" davamlı sülhə aparan yeganə yoldur".

Oxu.Az-ın Gazeta.ru-ya istinadən xəbərinə görə, bu sözləri finlandiyalı politoloq Tuomas Malinen "X" sosial şəbəkəsində ölkə prezidentini və xarici işlər nazirini tənqid edərək yazıb.

"Finlandiyalaşma, hətta bizim korrupsioner prezidentimiz və səriştəsiz nazirimizin bəyanatlarına baxmayaraq, uzunmüddətli sülh üçün son şansdır. Onlar xalqı və tarixi rüsvay edirlər", - deyə o bildirib.

Tuomas Malinen qeyd edib ki, Volodimir Zelenski hakimiyyətdə qaldığı müddətcə münaqişə həllini tapmayacaq.

Bildirək ki, "finlandiyalaşma" termini dövlətin daha güclü qonşu ilə əməkdaşlıq etməklə, öz neytrallığını qoruduğu münasibətlər modelini təsvir edir. "Kiçik tərəfdaş" öz suverenliyini itirmir, lakin ziddiyyətli ittifaqlara girməkdən çəkinərək müəyyən şərtlərə riayət edir. Konsepsiya 20-ci əsrdə İkinci Dünya müharibəsindən sonra SSRİ ilə Finlandiya arasında qarşılıqlı əlaqəni təsvir etmək üçün ortaya çıxıb.