Polşa ordusu yaxın günlərdə məhvetmə məsafəsi 1 000 km olan pilotsuz sistemləri sınaqdan keçirəcək.
Oxu.Az xəbər verir ki, bu barədə ölkənin müdafiə nazirinin müavini Sezari Tomçik məlumat verib.
"Yaxın günlərdə Polşa Respublikasının Silahlı Qüvvələri "Deep Precision Strike" sahəsində Polşa istehsalı olan işləmələrin - ucuz pilotsuz silah sistemlərindən istifadə etməklə böyük məsafələrə dəqiq zərbələr endirmək qabiliyyətinin sınaqlarına başlayacaq", - deyə Tomçik "X" sosial şəbəkəsində yazıb.
"Biz Polşa sənayesinin işləmələrini, o cümlədən onların təxminən 1 000 km məsafədə fəaliyyət göstərmək qabiliyyətini yoxlayacağıq", - deyə o dəqiqləşdirib.
"Defence 24" portalının məlumatına görə, söhbət artıq seriya istehsalına daxil olmuş Polşanın "Fly Focus Striker" sistemindən gedə bilər. Qeyd olunur ki, sınaqlar zamanı pilotsuz uçuş aparatları döyüş başlıqları daşımayacaq.
