Rusiya müdafiə nazirinin müavini vəzifəsində çalışan general-polkovnik Andrey Bulıqa Rusiya Prezidenti Vladimir Putinin fərmanı ilə Təhlükəsizlik Şurası katibinin müavini təyin edilib.
Bu barədə Oxu.Az TASS-a istinadən xəbər verir.
"Andrey Mixayloviç Bulıqa Rusiya Federasiyası Təhlükəsizlik Şurası katibinin müavini təyin edilsin və hazırkı vəzifəsindən azad edilsin", - deyə sənəddə bildirilib.
General Bulıqanın yerinə Müdafiə Nazirliyinə Cənub Hərbi Dairəsinin komandanı vəzifəsində çalışan general-polkovnik Aleksandr Sançik təyin edilib. O, həmçinin prezidentin fərmanı ilə, eyni zamanda, əvvəlki vəzifəsindən azad edilib.
Bulıqa Müdafiə Nazirliyində silahlı qüvvələrin maddi-texniki təminatına cavabdeh idi. General daha əvvəl Qərb Hərbi Dairəsində komandan müavini kimi maddi-texniki təminat məsələləri ilə məşğul olub.
