Putin Pezeşkiana nələr hədiyyə etdi?

Rusiya Prezidenti Vladimir Putin ölkəyə səfər edən iranlı həmkarı Məsud Pezeşkiana samovar və Rusiya qışını təsvir edən rəsm əsəri hədiyyə edib.

Oxu.Az xəbər verir ki, kadrları jurnalist Pavel Zarubin "Telegram" kanalında yayıb.

"Rusiya qışda belə görünür", - deyən Putin meşə rəsminə işarə edib.

Putinin digər hədiyyəsi isə samovar olub: "Bu bizim ənənəvi məhsulumuzdur - samovar". "Biz də "samavar" deyirik!" - deyə Pezeşkian qeyd edib.

Xatırladaq ki, yanvarın 17-də Kremldə danışıqlardan sonra Rusiya və İran prezidentləri Vladimir Putin və Məsud Pezeşkian iki ölkə arasında Hərtərəfli Strateji Tərəfdaşlıq haqqında Müqavilə imzalayıblar.