Rusiya uçuşların idarəedilməsi mərkəzi (UİM), 29 aprel, çərşənbə axşamına keçən gecə yerə yaxın orbitə çıxarılan yük gəmisi “Proqress” ilə davamlı əlaqə yaratmaq üçün iki dəfə cəhd edib.
Oxu.Az xəbər verir ki, bu barədə “İnterfaks”a UİM-dəki mənbə bildirib.
Onun sözlərinə görə, gəminin göyərtəsinə bir neçə əmr verilib, bu əmrlər onun vəziyyətinin sabitləşdirilməsinə və öz oxu ətrafında fırlanmasını azaltmağa istiqamətlənib.
“İndi məlumatlar təhlil edilir. İlkin məlumata əsasən, məsələ həll edilməyib”, - agentliyin həmsöhbəti qeyd edib.
Daha öncə “Proqress”də videokameranı işə salmaq mümkün olub, onun yardımı ilə yük gəmisinin nəzarətsiz fırlanmasından əmin olublar. Bundan başqa aydın olub ki, gəmi öncədən planlaşdırılmış orbitdən çıxarılıb. Bunu raketin “Soyuz-2.1a” mühərrikinin qeyri-səlist işi ilə əlaqələndiriblər.
Aprel ayının 28-də saat 10:09-da Baykonur kosmodromundan buraxılan gəminin nasazlığı Yer ətrafında birinci dönüşü haqqında telemetriya məlumatlarının natamam gəldiyini gördükdə qeydə alınıb. Bunu, yük gəmisinin yerə qədər olan məsafəni və planet ətrafında fırlanmasının bucaq sürətini müəyyən etmək üçün təyin edilmiş iki “Kurs” sistemli antenanın açılmaması ilə əlaqələndiriblər.
“Proqress” gəmisi müstəqil rejimdə bir neçə saniyə keçirə bilər. Onun orbitini korrektə etmək mümkün olmasa, gəmi Beynəlxalq Kosmik Stansiyaya (BKS) çatmaya bilər. Yük gəmisinin nasazlığı onun stansiyaya yaxınlaşmasının iki sutka sonraya, qeyri-rəsmi informasiyaya görə isə qeyri-müəyyən zamana saxlanılmasına gətirib çıxarıb.
Gəmi BKS-ya 2,5 ton faydalı yük, o cümlədən 500 kq yanacaq, 50 kq hava, 420 kq su, oksigen balonları, aparatura və elmi tədqiqatlar üçün materiallar, eləcə də Qələbə bayrağının surətini gətirməli idi.
Hal-hazırda BKS-da 43/44 heyəti yerləşir. Amerikalı komandir Terri Vertsanın komandasının tərkibinə beş bort-mühəndis rusiyalı – Anton Şkaplerov, Mixail Kornienko və Gennadi Padalak, eləcə də italyan Samanta Kristoforetti və ABŞ vətəndaşı Skott Kelli daxildir.
