Rusiyanın Murmansk vilayət aerodromunda “Tu-22M3” tipli təyyarə eniş zamanı qəzaya uğrayıb. Təyyarənin qəza anının görüntüləri yayılıb.
Oxu.Az xəbər verir ki, bu barədə “RİA Novosti” məlumat yayıb.
Çərşənbə axşamı plan çərçivəsində təlim-məşq uçuşunu yerinə yetirdikdən sonra güclü küləklə müşahidə olunan qar yağışına düşən “Tu-22M3” tipli təyyarə sərt eniş edib.
Bu zaman bombardmançı hissələrə parçalanıb və yanmağa başlayıb. Nəticədə, üç nəfər ölüb, bir yaralı ağır vəziyyətdə xəstəxanaya yerləşdirilib.
