İyulun 1-dən 2-nə keçən gecə ərzində Rusiyanın İsveçdəki diplomatik nümayəndəliyinə pilotsuz uçuş aparatları vasitəsilə növbəti dəfə hücum təşkil edilib.
Oxu.Az xəbər verir ki, bu barədə Rusiya XİN-in mətbuat xidməti məlumat yayıb.
Məlumata görə, hadisə gecə saat iki radələrində qeydə alınıb.
"Kvadrokopterlərdən biri diplomatik missiyanın həyətinə içərisində qırmızı boya olan qab tullayıb. Üzərinə əldəqayırma partlayıcı maddənin maketi bərkidilmiş digər pilotsuz aparat isə (böyük ehtimalla məqsədyönlü şəkildə) Rusiya səfirliyinin binasının düz yanına, bizim əraziyə çırpılıb", - deyə rəsmi açıqlamada vurğulanıb.
Qaynar xətt:
(055) 224 12 12
