Ermənistanda saxlanılan, Rusiya vətəndaşı olan iş adamı Samvel Karapetyanın barəsindəki həbs qətimkan tədbirinin müddəti daha 30 gün uzadılıb.
Oxu.Az xəbər verir ki, bu barədə qərarı Vaqe Dolmazyanın sədrliyi ilə antikorrupsiya məhkəməsi qəbul edib.
Xatırladaq ki, iyunun 18-də Ermənistan Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşları Karapetyanı saxlayıblar. Erməni əsilli milyarder hakimiyyətin ələ keçirilməsinə açıq çağırışlarda ittiham olunur.
İrəvan məhkəməsi iyunda onun barəsində iki aylıq həbs qətimkan tədbiri seçib. Avqustun 15-də Ermənistanın Korrupsiyaya Qarşı Mübarizə Məhkəməsi onun həbs müddətini daha iki ay uzatmışdı.
