İranın Ali Rəhbərinin müşaviri Əli Şamxaninin oğlu Məhəmməd Hüseyn Şamxaninin nəzarətində olan nəhəng gəmiçilik imperiyası ABŞ Maliyyə Nazirliyinin Xarici Aktivlərə Nəzarət Ofisinin sanksiyaları altına düşüb.
Oxu.Az İsrail KİV-ə istinadən xəbər verir ki, söhbət Məhəmməd Hüseyn Şamxaninin nəzarətində olan 50-dən çox fiziki və hüquqi şəxsdən və 50-dən çox gəmidən gedir.
Məlumatda qeyd olunur ki, Məhəmməd Hüseyn Şamxani atasının nüfuzundan istifadə edərək böyük tanker və konteyner gəmiləri donanması yaradıb.
Bu donanma İran və Rusiyadan neft və neft məhsullarının daşınması, eləcə də digər yükdaşımaları ilə məşğul olmaqla on milyardlarla dollar gəlir əldə edir.
