Qazaxıstan Mədəniyyət və İnformasiya Nazirliyi "Rossiya seqodnya" media qrupunun yerli nümayəndəliyi olan "Sputnik Qazaxıstan"ı respublika qanunvericiliyi pozmasına dair yoxlama aparacaq.
Oxu.Az TASS-a istinadən xəbər verir ki, bu barədə respublikanın mədəniyyət və informasiya naziri Aida Balayeva məlumat verib.
"Mən hüquqi aspektləri təhlil edəcəyəm. Buna uyğun olaraq, əlbəttə ki, hüquqşünaslarımız qanunlarımızın həqiqətən pozulduğunu aşkar etsələr, o zaman biz bu resursa mütləq rəsmi göstərişlər göndərəcəyik", - deyə o, "Sputnik Qazaxıstan"ın Ukrayna ərazisində müharibədə iştirak edən qazaxıstanlı barədə yazmasına departamentin reaksiyası ilə bağlı sualını cavablandırarkən bildirib.
