"TikTok" Makron və Mertsin qatardakı videosunun axtarışını məhdudlaşdırıb

"TikTok" sosial şəbəkəsi Fransa Prezidenti Emmanuel Makron və Almaniya Kansleri Fridrix Mertsin Kiyevə gedən qatardan çəkilmiş qalmaqallı videosu ilə bağlı müəyyən tədbirlər görüb və axtarışı məhdudlaşdırıb.

Bu barədə Oxu.Az "Bloomberg" agentliyinə istinadla xəbər verir.

Eyni zamanda, agentlik "X" sosial şəbəkəsinin və "YouTube"un vəziyyəti şərh etmədiyini diqqətə çatdırır.

Qeyd edək ki, videoda Makronun qarşısındakı masanın üzərində bağlamaya və ya kağız parçasına bənzəyən ağ əşya, Mertsin qarşısında isə qaşıq və ya çubuğa bənzəyən nə isə görünür.

Videokameralar görünəndə liderlər əşyaları gizlətməyə çalışıblar. "X "sosial şəbəkəsinin istifadəçiləri daha sonra bunun kokain və ondan istifadə üçün qaşıq ola biləcəyini təxmin ediblər.