Tramp ABŞ-nin kursunu dəyişməyə hazırlaşır

ABŞ-nin yeni seçilmiş Prezidenti Donald Tramp ikinci müddətinin ilk günündən öz səlahiyyətlərinin miqyasını nümayiş etdirmək və ölkənin siyasi kursunu kökündən dəyişmək üçün istifadə etmək niyyətindədir.

Oxu.Az xəbər verir ki, bu barədə CNN televiziya şirkəti məlumat yayıb.

Tramp andiçmə mərasimindən sonra təxminən 100 icra sərəncamı imzalamağı planlaşdırır. Əsas sahələrə immiqrasiya siyasətinin sərtləşdirilməsi, enerji istehsalının artırılması, transseksual idmançıların yarışlarda iştirakına qadağa qoyulması və 6 yanvar 2021-ci ildə Kapitoliyə basqın edənlərin əfv edilməsi daxildir.

Tramp açıq şəkildə bildirib ki, onun prezidentlik dövrü dinamik olacaq və nəticələrdən asılı olmayaraq, o, seçkiqabağı vədlərini yerinə yetirməyə fokuslanacaq.