ABŞ Prezidenti Donald Tramp İranı son 50 ildə öldürülən insanlar üçün təzminat ödəməyə çağırıb.
Oxu.Az xəbər verir ki, Tramp bu barədə "Truth Social" platformasındakı paylaşımında yazıb.
O bildirib ki, İran nümayəndələri son beş ayda baş vermiş hərbi münaqişə zamanı ölkəyə dəymiş zərərə görə təzminat tələb edirlər.
Tramp qeyd edib ki, münaqişə İranın nüvə silahına sahib olmasının qarşısını almaq məqsədilə başlayıb və təzminat məsələsi əvvəlki danışıqların heç birində müzakirə olunmayıb.
"Bu, maraqlı fikirdir. Çünki mən də öz növbəmdə İrandan onların yol kənarına yerləşdirdikləri bombalar və çoxsaylı münaqişələr nəticəsində öldürülən və ağır yaralanan bütün insanlar üçün təzminat tələb edirəm", - deyə ABŞ Prezidenti yazıb.
Tramp, həmçinin SEPAH-ın sabiq komandirlərindən biri, Qasım Süleymaninin rəhbərliyi ilə həyata keçirilən fəaliyyətlər nəticəsində öldürülən şəxslərin ailələrinə təzminat ödənilməsini tələb edib.
ABŞ Prezidenti əlavə edib ki, İranın son 50 il ərzində öldürdüyünü iddia etdiyi yüzminlərlə etirazçının ailələrinə də kompensasiya ödənilməlidir.
"Son beş ayda öldürülən 52 min nəfəri demirəm", - Tramp qeyd edib.
Tramp nümayəndələrinə bu tələbin bütün gələcək danışıqlarda gündəmə gətirilməsi barədə göstəriş verdiyini bildirib.
