Türkiyədə turistləri daşıyan mikroavtobusun yol kənarındakı çökəkliyə aşması nəticəsində dörd nəfər həyatını itirib.
Oxu.Az xəbər verir ki, bu barədə "Hürriyet" qəzeti məlumat yayıb.
Məlumata görə, qəza Gelendost rayonunda baş verib. Ekskursiyadan qayıdan mikroavtobus güclü yağış səbəbindən sürücünün idarəetməni itirməsi nəticəsində yoldan çıxaraq çökəkliyə aşıb.
"Turistləri daşıyan mikroavtobus idarəetmədən çıxaraq yol kənarındakı çökəkliyə yuvarlanıb. Qəza nəticəsində dörd nəfər ölüb, daha 15 nəfər isə müxtəlif dərəcəli xəsarətlər alıb", - deyə məlumatda bildirilib.
Hadisə yerinə çoxsaylı təcili tibbi yardım briqadaları, jandarm və xilasedicilər cəlb olunublar. Yaralılar yaxınlıqdakı xəstəxanalara çatdırılıb.
Qaynar xətt:
(055) 224 12 12
