Ukrayna Prezidenti Volodimir Zelenski ölkənin Xarici Kəşfiyyat Xidmətinin rəhbəri vəzifəsinə namizədlər axtarmağa başlayıb.
Oxu.Az-ın xəbərinə görə, bu barədə "RBC Ukrayna" "Telegram" kanalı məlumat verib.
Məsələ ilə tanış olan mənbə bildirib ki, Zelenski Ukrayna Xarici Kəşfiyyat Xidmətinin rəhbəri vəzifəsinə namizədlərin siyahısını gözləyir və şəxsi söhbətlərdən sonra qərarını verəcək.
Mənbə bu vəzifəyə ən çox ehtimal olunan namizədlərlə bağlı məlumat əldə edib ki, bunlar Dmitri Kuleba, Andrey Biletski və Vasili Malyukdur.
Qeyd edilir ki, xüsusi xidmət rəhbərini təyin etmək səlahiyyətinə malik olan prezident ya diplomat, ya hərbçi, ya da peşəkar kəşfiyyatçı axtarır. Qərar Xarici Kəşfiyyat Xidmətinin gələcəkdə hansı formatda fəaliyyət göstərəcəyindən asılı olacaq.
