Almaniya kansleri Fridrix Merts Avropa İttifaqı (Aİ) üzvlüyünə doğru müvəqqəti addım kimi Ukraynaya xüsusi status verilməsini təklif edib.
Oxu.Az "Reuters"ə istinadən xəbər verir ki, bu barədə Mertsin Aİ liderlərinə göndərdiyi məktubda bildirilib.
Almaniya baş naziri hesab edir ki, "assosiativ üzv" statusu Ukrayna rəsmilərinə Aİ sammitlərində və nazirlərin görüşlərində iştirak etməyə imkan verəcək, lakin eyni zamanda səsvermə hüququ verməyəcək. Bundan əlavə, Fridrix Merts Aİ ölkələrinə təklif edib ki, əhəmiyyətli təhlükəsizlik zəmanəti yaratmaq üçün blokun qarşılıqlı yardım müddəalarını, Ukraynaya tətbiq etmək öhdəliyini öz üzərilərinə götürsünlər.
"Mənim təklifim davam edən sülh danışıqlarını asanlaşdırmağa kömək edəcək. Bu, təkcə Ukraynanın təhlükəsizliyi üçün deyil, həm də bütün qitənin təhlükəsizliyi üçün vacibdir", - deyə Fridrix Merts qeyd edib.
