Tsyan Yueqin Çinin Vençjou şəhərində yaşayır və 101 yaşına baxmayaraq, hələ də dişlərini qoruyub saxlayır.
Oxu.Az xəbər verir ki, onun barəsində "What's The Jam" yazır.
Qadının sözlərinə görə, o, gecələr televizora baxa-baxa çips və peçenye ilə qəlyanaltı etməyi sevir. Məhz bu vərdişi ona uzun və sağlam ömür sürməyə kömək edib.
Yaşlı qadın çox vaxt gecə 02:00-dan sonra yatdığını və səhər 9 radələrində zəngli saat olmadan və yaxşı əhvali-ruhiyyədə oyandığını bildirib. O, səhərinə bir fincan aromatik yaşıl çayla başlayır.
Tsyan gündə iki dəfə yemək yeyir. Səhər oyandıqdan sonra və axşam saat 6 radələrində.
