Ukrayna Prezidenti Volodimir Zelenski mayın 8-də Anım günü və 1939-1945-ci illər İkinci Dünya müharibəsində nasizm üzərində Qələbə Günü münasibətilə ukraynalılara müraciət edib.
Oxu.Az-ın xəbərinə görə, bu barədə Uatv.ua məlumat verib.
Zelenski vurğulayıb ki, Ukrayna bütün dünya ilə birlikdə, 80 il əvvəl həyat uğrunda, şərin məğlubiyyəti və "bir daha heç vaxt" uğrunda mübarizə aparanlarla birlikdə bu günü qeyd edir.
"İstənilən şər mütləq sona çatır. İstənilən işğalçı sonunda torpağımızı tərk edir. Həyat həmişə geri qayıdır. Və bu gün məhz bunun arxasında dayanırıq", - deyə Zelenski bildirib.
