Astara rayonunda 60 yaşlı kişinin ölümünün təfərrüatı məlum olub.
Oxu.Az-ın məlumatına görə, hadisə rayonun Siyaku kəndində baş verib. Kənd sakini 1966-cı il təvəllüdlü Fazil Söhbət oğlu Fətəliyev Bakıda yaşadığı evdən Astara rayonunun Siyaku kəndinə - anasının evinə qonaq gedibmiş. O, həyətdə olarkən əncir yığmaq istəyib. Əvvəlcə bir vedrə əncir yığan F.Fətəliyev təkrar əncir yığmaq üçün ağaca çıxıb. Bu vaxt ağacın budağı qəfil qırılıb və o, ağacdan yıxılıb. Ağır kəllə-beyin travması alan F.Fətəliyev təcili tibbi yardım briqadası ilə xəstəxanaya aparılarkən yolda ölüb.
Araşdırmalar Astara Rayon Prokurorluğu tərəfindən aparılır.
Qaynar xətt:
(055) 224 12 12
