Attestata yanlış qiymət yazıldığına görə Ağsu rayon Dilman kənd tam orta məktəbinin direktoru cəzalandırılıb.
Oxu.Az xəbər verir ki, bu barədə "Azərbaycan müəllimi"nin sorğusuna cavab olaraq Dağlıq Şirvan Regional Təhsil İdarəsindən məlumat verilib.
Bildirilib ki, Ağsu rayon Dilman kənd tam orta məktəbinin 11-ci sinif şagirdi Elmir Emil oğlu Valehovun 2024-25-ci tədris ili üzrə illik qiymətləri jurnaldan Dövlət İmtahan Mərkəzinin "Şagird-məzun" sisteminə işlənilərkən məktəb rəhbərliyi tərəfindən texniki səhv edilərək riyaziyyat və Azərbaycan dili fənləri üzrə yanlış qiymətlər yazılıb.
"Sonradan qiymətlərə sistemdə düzəliş edilib. Şagirdə düzgün qiymətlər yazılaraq yeni attestat təqdim edilib. Bununla əlaqəli məktəb direktoru haqqında intizam tənbehi görülüb", - deyə məlumatda qeyd olunub.
