Bakıda daha bir nəfər texniki spirtdən zəhərlənərək həyatını itirib.
Sabunçu rayonunda 47 yaşlı Qaramin Dmitri Viktoroviçin meyiti küçədə tapılıb.
Onun metil spirti qəbul etdiyi üçün zəhərlənərək öldüyü bildirilir. Bununla da spirtdən ölənlərin sayı 22 nəfərə çatıb.
Həkim Adil Qeybulla deyir ki, həmin məhlulların şüşələrinin üzərində tibbi spirt yazılsa da, etil spirti olmama ehtimalı var:
"Ona müxtəlif dezinfeksiyaedici maddələr, metil spirti də qatıla bilər. Amma hər bir halda bu məhlulların heç biri içmək üçün deyil, çox təhlükəlidir. Spirtli məhlulları aptekdən alıb ev şəraitində içki düzəldib qəbul etmək həyata qəsd deməkdir".
Millət vəkili Müşfiq Məmmədlinin fikrincə, gigiyenik vasitə olan spirtin satışında müəyyən məhdudlaşdırılmalar tətbiq olunmalıdır:
"Hazırda bu məsələ ilə bağlı araşdırmanın nəticəsini gözləməliyik. Ölümlərin səbəbinin metil spirti ilə əlaqəli olması fikirləri də var. Gigiyenik vasitənin tərkibində metil spirtinin olması bəzi suallar doğurur. Metil spirti zəhərli maddələr qrupuna daxil olduğuna görə gigiyenik vasitə kimi istifadəsi qəbul edilən deyil".
Ətraflı Baku TV-nin süjetində:
Bir müddət əvvəl Bakının Sabunçu rayonu ərazisində Emil Qasımov və həyat yoldaşı S.İsmətovanın meyitləri tapılıb.
Oxu.Az Lent.az-a istinadla xəbər verir ki, Emil Qasımovun metil spirtindən zəhərlənərək öldüyü qısa müddətdə üzə çıxsa da, qadının hansı səbəbdən ölməsi məlum olmayıb.
Əldə edilən məlumata görə, araşdırma nəticəsində S.İsmətovanın da texniki spirtdən öldüyü üzə çıxıb.
Bakıda daha bir nəfər texniki spirtdən zəhərlənərək ölüb.
Oxu.Az Lent.az-a istinadən xəbər verir ki, hadisə Sabunçu rayonu Bakıxanov qəsəbəsində baş verib.
47 yaşlı Dmitri Viktoroviç Qaraminin meyiti küçədə tapılıb. Onun metil spirti qəbul etdiyi üçün zəhərlənərək öldüyü bildirilir.
Qeyd edək ki, bununla da Bakı şəhərində spirtdən zəhərlənərək ölənlərin sayı 22-yə çatıb.
