Fövqəladə Hallar Nazirliyinin "112" qaynar telefon xəttinə Gədəbəy rayonu, Qalakənd kəndində bir nəfərin dərəyə yıxılması barədə məlumat daxil olub.
FHN-dən Oxu.Az-a verilən xəbərə görə, məlumat qəbul ediləndən dərhal sonra Nazirliyin hadisə yerinə ən yaxın xilasetmə qüvvələri cəlb olunub.
Dövlət Yanğından Mühafizə Xidmətinin yanğınsöndürən - xilasediciləri tərəfindən həyata keçirilən tədbirlər nəticəsində bir nəfərin meyiti dərədən çıxarılaraq aidiyyəti üzrə təhvil verilib.
Gədəbəy rayonunda 55 yaşlı kişi bədbəxt hadisə nəticəsində ölüb.
Oxu.Az-ın məlumatına görə, hadisə rayonun Miskinli kəndində baş verib.
Rayonun Novosaratovka kənd sakini, 1970-ci il təvəllüdlü Yaqub Yolçuyev kənd ərazisindəki qayalıq əraziyə kəklikotu yığmağa getsə də, geri qayıtmayıb. Yaxınları onun axtarışlarına başlayıblar. Axtarış zamanı onun meyiti Miskinli kəndindəki dərədən aşkar edilib. Məlum olub ki, Y.Yolçuyev kəklikotu yığarkən qayadan yıxılaraq ölüb.
Faktla bağlı araşdırma aparılır.
Samir Əli
