Zaqatalada baş verən yol-nəqliyyat hadisəsində xəsarət alan şəxslərin adları məlum olub.
Oxu.Az APA-ya istinadən xəbər verir ki, qəza zamanı xəsarət alan dörd nəfər rayonun Muxax kənd sakinləridir.
Bunlar "Mercedes"in sürücüsü Rəhim Laçın oğlu Laçınov, sərnişinlər - 27 yaşlı Fuad Fazil oğlu Süleymanov, 36 yaşlı Asif İslam oğlu Əhmədov və 63 yaşlı Nizaməddin Məhəmməd oğlu Əminovdur.
Qeyd edək ki, hadisə Qax-Zaqatala avtomobil yolunun rayonun Muxax kənd ərazisindən keçən hissəsində baş verib. Rayonun Muxax kənd sakini 50 yaşlı Rəhim Laçın oğlu Laçınovun idarə etdiyi "Mercedes" markalı minik avtomobili ilə rayonun Göyəm kənd sakini 21 yaşlı Əhməd İsmayıl oğlu Matiyevin idarə etdiyi "Mercedes" markalı minik avtomobili toqquşub. Qəzadan sonra Rəhim Laçınovun idarə etdiyi "Mercedes" idarəetmədən çıxaraq yolun kənarındakı ağaca çırpılıb.
TƏBİB-dən verilən məlumata görə, hadisəsi nəticəsində dörd nəfər (kişi cinsli) Zaqatala Rayon Mərkəzi Xəstəxanasının Təcili tibbi yardım şöbəsinə hospitalizasiya edilib.
Zərərçəkənlərə zəruri tibbi yardım göstərilib.
Hər birinin vəziyyəti qənaətbəxş qiymətləndirilir.
Zaqatala minik avtomobilləri toqquşub, xəsarət alanlar var.
Oxu.Az APA-ya istinadən xəbər verir ki, hadisə Qax-Zaqatala avtomobil yolunun Muxax kəndi ərazisindən keçən hissəsində baş verib.
Hərəkətdə olan iki "Mercedes" markalı minik avtomobili toqquşub.
İlkin məlumata görə, qəza zamanı xəsarət alan üç nəfər Zaqatala Rayon Mərkəzi Xəstəxanasının (RMX) Cərrahiyyə korpusuna yerləşdirilib.
Hazırda yaralılara tibbi yardım göstərilir və şəxsiyyətləri dəqiqləşdirilir.
Faktla bağlı Zaqatala Rayon Polis Şöbəsində araşdırma aparılır.
