İyunun 13-də Bakı şəhərində keçirilən çövkən üzrə 2-ci dünya çempionatı başa çatıb.
Oxu.Az xəbər verir ki, turnirin son günündə əvvəlcə üçüncü yer uğrunda keçirilən görüşdə Uruqvay və Niger milli komandaları qarşılaşıblar.
Gərgin və maraqlı mübarizə şəraitində keçən oyunda Uruqvay millisi Niger komandasını 3:2 hesabı ilə məğlub edərək çempionatın bürünc medalına sahib olub.
Daha sonra keçirilən final qarşılaşmasında Azərbaycan və Çili milli komandaları üz-üzə gəliblər.
Böyük maraqla izlənilən həlledici görüşdə Azərbaycan millisi üstün oyun nümayiş etdirərək rəqib qapısından üç cavabsız top keçirib.
Beləliklə, Azərbaycan millisi çövkən üzrə 2-ci dünya çempionatının qalibi adını qazanaraq qızıl medala və çempionatın kubokuna sahib olub. Çili millisi ikinci yeri tutaraq gümüş medalla kifayətlənib, Uruqvay komandası isə üçüncü yeri qərarlaşıb.
