Futbol üzrə 2026-cı il dünya çempionatının (DÇ-2026) B qrupunda I turun ilk oyunu keçirilib.
Oxu.Az xəbər verir ki, Toronto şəhərinin "Bi-Em-O Fild" stadionunda baş tutmuş matçda Kanada və Bosniya və Herseqovina milliləri üz-üzə gəliblər. Görüş qollu heç-heçə ilə yekunlaşıb - 1:1.
Qarşılaşmada hesabı 21-ci dəqiqədə Yovo Lukiç açıb. 78-ci dəqiqədə isə ev sahiblərindən Kayl Larin fərqlənərək yekun hesabı müəyyənləşdirib.
Qeyd edək ki, B qrupunda Qətər və İsveçrə milliləri də qərarlaşıblar.
Futbol üzrə dünya çempionatında həyəcan bütün sürəti ilə davam edir.
Oxu.Az-ın məlumatına əsasən, qrup mərhələsinin birinci turu çərçivəsində daha iki maraqlı qarşılaşmaya start veriləcək.
İlk duel B qrupunda yer alan Kanada və Bosniya və Herseqovina yığmaları arasında baş tutacaq. "Toronto" stadionunda oynanılacaq bu matçın start fiti Bakı vaxtı ilə saat 23:00-da səslənəcək.
Gecənin digər qarşılaşması isə iyunun 13-ü Bakı vaxtı ilə saat 05:00-da "Los-Anceles" stadionunda təşkil olunacaq. D qrupunun bu görüşündə ABŞ və Paraqvay milliləri münasibətlərinə aydınlıq gətirəcəklər.
Dünya çempionatı
B qrupu
I tur
12 iyun
23:00. Kanada - Bosniya və Herseqovina
"Toronto" stadionu
13 iyun
D qrupu
05:00. ABŞ - Paraqvay
"Los-Anceles" stadionu
Qeyd edək ki, mundiala iyulun 19-da yekun vurulacaq.
