"Mançester Siti" Fransanın "Lill" klubunda çıxış edən Ayyub Buaddini transfer etmək üzrədir.
Oxu.Az xəbər verir ki, bu barədə tanınmış futbol insayder Fabritsio Romano məlumat yayıb.
Bildirilib ki, 17 yaşlı yarımmüdafiəçi və onun nümayəndələri İngiltərə klubu ilə şəxsi müqavilənin şərtləri barədə razılığa gəliblər.
Növbəti mərhələdə "Mançester Siti"nin "Lill" ilə transferin yekun şərtlərini razılaşdırması gözlənilir. Klublar arasında danışıqların artıq irəliləmiş mərhələdə olduğu qeyd olunub. Buaddinin transferlə bağlı əsas üstünlüyünün isə 2027-ci ili gözləmədən, məhz indi "Mançester Siti"yə qoşulmaq istəməsi olduğu bildirilib.
Qeyd edək ki, bu il keçirilən dünya çempionatında Mərakeşin heyətində xüsusi çıxışı ilə fərqlənən gənc istedad Avropanın bir sıra böyük klublarının diqqət mərkəzinə düşmüşdü.
