"Fiorentina" əməliyyat ediləcək futbolçu üçün "Qalatasaray"a təklif göndərib

İtaliyanın "Fiorentina" klubu Türkiyənin "Qalatasaray" komandasının təcrübəli futbolçusu Nikolo Zaniolo üçün rəsmi təklif göndərib.

Məlumata görə, "Aston Villa" klubu ilə icarə müqaviləsi başa çatan italiyalı hücumçu əməliyyat olunduqdan sonra "Qalatasaray"a geri dönəcək. "Fiorentina" klubu isə transfer pəncərəsi açıldıqdan sonra Nikolo Zaniolonu icarə əsasında heyətinə qatmaq istəyir.

İtaliya klubu 24 yaşlı futbolçunun performansından razı qalacağı təqdirdə qalıcı olaraq transfer edəcəyini bildirib.

Qeyd edək ki, Nikolo Zaniolo uzun müddətdir, zədədən əziyyət çəkdiyi üçün bu gün əməliyyat olunacaq.

Mənbə: Sporx.com