UEFA Millətlər Liqasının (A Liqası) qrup mərhələsinin I turunda Türkiyə və Fransa milli komandaları qarşılaşıblar. Görüş İzmit şəhərindəki "Kocaeli" stadionunda keçirilib. Matçın baş hakimi Almaniyadan Feliks Tsvayer olub. Qarşılaşma qonaqların 1:0 hesablı qələbəsi ilə başa çatıb.
Matçın 54-cü dəqiqəsində Fransa millisinin hücumçusu Kilian Mbappe hesabı açıb. Beş dəqiqə sonra futbolçu qol epizodu zamanı aldığı zədə səbəbindən əvəzlənib. 87-ci dəqiqədə isə meydan sahiblərinin qapıçısı Uğurcan Çakır qırmızı vərəqə alıb.
Qrup mərhələsinin II turunda Türkiyə sentyabrın 28-də İtaliya ilə qarşılaşacaq. Fransa isə həmin gün Belçika ilə üz-üzə gələcək.
Millətlər Liqasının hazırkı qalibi Portuqaliya millisidir. Turnirin ötən mövsümünün finalında Portuqaliya yığması İspaniyanı məğlub edib - 2:2, penaltilər seriyasında 5:3.
Digər matçlar aşağıdakı nəticələrlə bitib:
A Liqası, I qrup
İtaliya - Belçika - 0:2.
B Liqası, II qrup
Gürcüstan - Şimali İrlandiya - 0:1.
Macarıstan - Ukrayna - 0:1.
B Liqası, IV qrup
Polşa - Bosniya və Herseqovina - 0:0.
İsveç - Rumıniya - 2:1.
C Liqası, II qrup
Ermənistan - Latviya - 2:0.
Monteneqro - Kipr - 2:1.
