İngiltərə kuboku: "Mançester Yunayted" "Lester"dən üstün oldu

Futbol üzrə İngiltərə Kubokunun 1/16 final mərhələsinin oyunu baş tutub.

Oxu.Az xəbər verir ki, "Mançester Yunayted" "Lester"dən üstün olmağı bacarıb.

İlk hissədə "Lester" kollektivi aktiv oyun nümayiş etdirsə də, təcrübə öz sözünü deyib və qələbəyə sevinən tərəf məhz "qırmızı şeytanlar" olublar. Maquayr son saniyələrdə vurduğu qolla komandasına qələbə qazandırıb - 2:1.

Xatırladaq ki, İngiltərə Kubokunun 1/32 final mərhələsində "Mançester Yunayted" "Arsenal"ı məğlub etmişdi.