"Üzüklərin hökmdarı"nın ulduzu gizli şəkildə evlənib

"Üzüklərin hökmdarı" trilogiyasındakı Frodo Baqqins rolu ilə məşhurlaşan Hollivud aktyoru Elayca Vud danimarkalı prodüser Mette-Marie Konqsved ilə rəsmi nikaha girib.

Oxu.Az-ın verdiyi məlumata görə, bu barədə cütlüyün nikah şəhadətnaməsini əldə edən TMZ nəşri məlumat verib.

Bildirilir ki, Elayca və Mette-Mari gizli evlənməyi qərara alıblar, buna görə də, mərasimin dəqiq tarixi məlum deyil.

Lakin bəzi mənbələrin məlumatına görə, toy Yeni il ərəfəsində İsveçdə baş tutub və tədbirdə cütlüyün təxminən 80 yaxın qohumu və dostu iştirak edib. Qeyd edək ki, Elayca və Mette-Marienin bir oğlu və bir qızı var.