Liverpulda avtomobilin izdihama çırpılması ilə bağlı 53 yaşlı yerli sakin, Böyük Britaniya vətəndaşı saxlanılıb.
Oxu.Az TASS-a istinadən xəbər verir ki, bu barədə Mersisayd polisi məlumat yayıb.
"Təsdiq edə bilərik ki, saxlanılan şəxs - 53 yaşlı, ağdərili, Liverpul rayonunda yaşayan britaniyalıdır. Hadisənin bütün halları ilə bağlı genişmiqyaslı istintaq tədbirləri həyata keçirilir", - deyə polisdən bildirilib.
Qeyd olunub ki, təhqiqat prosesinə Terrorla Mübarizə Xidməti də cəlb edilib.
İngiltərənin Liverpul şəhərinin mərkəzində avtomobil eyniadlı futbol klubunun çempionluğunu qeyd edən izdihama çırpılıb.
Oxu.Az TASS-a istinadən xəbər verir ki, bu barədə Mersisayd polisi məlumat yayıb.
Bildirilir ki, sürücü yerindəcə saxlanılıb.
Yerli KİV hadisə nəticəsində 17 nəfərin xəsarət aldığını yazır.
Bildirilir ki, təntənəli mərasimə "Liverpul" futbol klubunun minlərlə azarkeşi toplaşıb.
