Efiopiyadan olan 14-17 yaş arası 20 gənc futbolçudan ibarət komanda İsveçdə keçirilən "Qotya Kuboku" (Gothia Cup) turnirindən sonra vətənə qayıtmayıb.
Oxu.Az bu barədə "Sweden Herald" nəşrinə istinadən xəbər verir.
Nəşrin məlumatına əsasən, turnirin sonuncu günü komandanın məskunlaşdığı məktəbin inzibatçısı onların xəbərdarlıq etmədən çıxıb getdiyini aşkarlayıb.
Turnirin təşkilatçıları polisə müraciət ediblər, polis isə itkin düşmə haqqında ərizəni qeydə alıb.
Komanda Efiopiyaya qayıtmayıb. Bununla belə, polisdən bildirilib ki, hadisənin arxasında insan alveri və ya buna bənzər hər hansı qanunsuz əməlin dayandığına dair heç bir əlamət yoxdur.
Qaynar xətt:
(055) 224 12 12
